Orð, Orð fylla storð

Orð, Orð innantóm fylla storð fölskum rómi.

Nú er búið að skilgreina af kirkjuni að reiði, hatur og hefnigirni séu óhelg orð og  verða þau væntanlega afmáð úr næstu útgáfu af hinni helgu bók biblíuni.

Reiði er erfitt að banna þar sem hún er samkv. skilgreiningu orðabókar menningarsjóðs sérstakt hugarástand og eru mannleg viðbrögð við óréttlæti.

Hatur  er oft næsta stig reiðinnar og verður oft  til þegar réttlætinu er ekki fullnægt.

Hefnigirni  verður oft til þegar fólk þráir réttlæti sem ekki fæst með aðstoð laga og réttar.

Öll þessi orð lýsa hugarástandi sem hefur orðið aflvaki siðmenningarinnar þ.e.a.s að fólk hefur brugðist við óréttlæti með því að berjast fyrir réttlæti og það er ekki hægt án þess að komast í hið óhelga hugarástand.

Þegar réttlæti verður komið á í þessu landi munu hin óhelgu orð hætta að vera hreyfiaflið í þjóðfélaginu, fyrr ekki.

kv. GE

Biskup fjallar um reiðina í þjóðlífinu

Athugasemdir

[Bensi (IP-tala skráð) 2.1.2011 kl. 20:55]

Segir mest um firringu þessa vesalings biskups og hvað hann er í raun laus við jarðsamband, hvað þá að hann hafi einhverja skynjun eða skilning á því hvað þjóðin er að ganga í gegn um. Það eru jú einhver fimm eða sex prósent þjóðarinnar sem eiga peninga og það er allt sett í gang til að vernda hagsmuni þeirra. 95% af þjóðinni er hinsvegar verra en eignalaus vegna þess að allt þeirra sparifé og eignir hafa verið gerðar upptækar með ákvörðunum ríkisstjórnar, til þess að þessi 5% sem eiga peningana geti haft það náðugt áfram. Nei, það verður bylting, blóðug bylting og það fjúka einhverjir hausar, svo mikið er víst. Við erum reið og erum í fullu rétti til þess, hvað sem þessi biskup segir.