Hámark ósvífninar

Seðlabankastjóri telur að þjóðfélagið fari á annan endan ef dómur hæstaréttar á að standa varðandi gengistryggð lán og engin aur sé til vegna leiðréttingar.

Er ástæðan kanski víðtækar björgunaraðgerðir vegna bankana í hruninu haustið 2008.   Það voru til nægir peningar í Seðlanbankanum þegar Kaupþing fékk 78 milljarða 6. oktober 2008 og Glitnir fékk 93 milljarða 29. september 2008 frá Seðlabankanum og bankin var settur á hausin til að reyna að bjarga hinum ýmsu fjármálafyrirtækjum landsins.

Það var ekki skortur á fé þegar ríkið ábyrgðist allar innistæður þegar bankarnir fóru á hausin 2008 og þrátt fyrir að lög um innistæðutryggingar segðu að aðeins væru greiddar út 20.800 evrur sem eru 3.2 milljónir var tekin sú ákvörðun af ríkisstjórnini að greiða út að fullu innistæður.

Það sem kanski er alvarlegast í því er að þeir sem áttu innistæður í svokölluðum peningamarkaðssjóðum fengu einnig nánast allt greitt þó ónýt hlutabréf og verðbréf stæðu þar á bak við innistæður og skiptu þessar greiðslur hundruðum milljarða króna.

Þetta fé var tekið úr sameiginlegum sjóði okkar ríkissjóði og munum við þurfa að greiða þetta með sköttum á næstu árum og einnig munu vísitölubundin lán hækka vegna verðlagshækkana sem þessi glæfralegi gjörningur átti þátt í.

Þessar útgreiðslur voru inntar af hendi án þess að fyrir þeim væru lagaheimildir en nú þegar Hæstiréttur hefur dæmt um ólögmæti gengisbundina lána halda menn að það sé hægt að semja um afslátt. Þetta er hámark ósvífninar og innantómar blekkingar.

Kv.GE

Hefðu lækkað vexti meira