LÁN FRÁ RÚSSUM BRJÁLÆÐI.

Samkvæmt heimildum Rúsneska blaðsins Rossiiskaya Gazeta eiga rússar að fá auðlindir íslendinga til tryggingar láninu, innkomu af sjáfarauðlindum, ferðamönnum og frá ál og orkuauðlindum væntanlega þangað til lánið er uppgreitt. Sagt er að Seðlabanki íslands hafi samþykkt þessi skylirði og að forseti  Rússlands Dimitrii Medvedev muni samþykkja lánið með þessum skilyrðum.

Að ganga að þessu er hreinasta brjálæði þar sem við erum að setja þjóðina í skuldafjötra til næstu framtíðar, Hvað með ef við getum ekki borgað ? koma þeir þá og hirða landið.

Við eigum ekki annars úrkosta en að semja við alþjóðagjaldeyrissjóðin um aðstoð við að komast út úr erfiðleikunum, aðrir kostir eru ekki í stöðuni.  Sjóðurinn er alþjóðastofnun sem er til að hjálpa þjóðum sem eru í fjárhagslegum erfiðleikum og það erum við sannarlega .

Rússneska lánið væri örugglega aðeins smáplástur á þann vanda sem við stöndum frammi fyrir og mundi framlengja í nokkra mánuði að tekið verði á vandamálum þjóðarinnar og þegar lánið væri búið erum við í enn verri stöðu en áður. 

Nýja Ísland

 ÚTRÁSIN ÍSLENSKA.

Íslenska útrásin sem byggð var á taumlausri græðgi nokkura manna er gjaldþrota.Hvar eru allir peningarnar sem þeir tóku að láni, í hvað fóru þeir og hvernig er hægt að skila þeim til réttra eigenda og bæta það tjón sem íslensk þjóð hefur orðið fyrir hér heima og erlendis.Þetta eru spurningar sem þarf að svara og grípa til viðeigandi aðgerða til að íslenska þjóðin geti aftur skapað sér virðingu á alþjóðavettvangi.Þeir sem bera ábyrgð á skaðanum verða að svara til saka annars erum við ekki lengur réttarríki.

SIÐFERÐILEGAR SPURNINGAR.

Margir íslendingar eru nú að velta fyrir sér siðferðilegri spurningu.Ef einn Íslendingur er staðin að fjárdrætti í Bretlandi, er það allri íslensku þjóðinni að kenna ?, auðvitað ekki,hvað um ef 20 Íslendingar standa að fjárdrætti, hvenær er slíkt orðið þjóðarglæpur þar sem allri þjóðinni er kennt um og hún krafin um að bæta tjónið. Við verðum að gefa okkur góðan tíma til að ransaka þetta mál og láta rétta aðila standa fyrir máli sínu. Á meðan verður að frysta eigur þeirra sem liggja undir grun.

 VAXTAOKUR ÚTRÁSARMANNA Á EIGIN ÞJÓÐ.

Almenningur á Íslandi hefur síðustu árin búið við hæstu vexti í heimi og hefur því ekki tekið þátt í þessum fjárdrætti sem íslenskir alþjóðabraskarar hafa stundað.Í ljósi þess að hér á að fara að byggja upp nýja Ísland verða menn að átta sig á að vaxtaokur leiðir aðeins til algjörs hruns í þjóðfélaginu eins og núverandi stefna hefur sannað.

 VARNARBARÁTTA ÍSLENDINGA.

Við erum ekki eina þjóðin í heiminum sem á syni og dætur sem lifa fyrir þá spennu og siðblindu sem fylgir græðgini.Aðrar þjóðir eru að uppskera það sama og við, efnahagslegt hrun sem er rétt að byrja.Við erum fyrstir að lenda í þessu en hinar þjóðirnar munu fylgja fast á eftir og er það því mikilvægt fyrir okkur sem þjóð að vera ekki að flýta okkur að taka á okkur allar syndir heimsins, heldur vera fastir fyrir og skoða okkar réttarstöðu.Við eigum ekki að láta börnin okkar borga fyrir þetta útrásar fyllerí.

 HEIMSKREPPA YFIRVOFANDI.

Við þurfum að sýna stillingu og æðruleisi sem þjóð því við erum fyrstu fórnarlömb alheimskreppu sem er rétt að byrja. Evrópa og Bandaríkin eiga í miklum erfiðleikum með að bjarga sinni fjármálastarfsemi og nýlegar aðgerðir byggjast á taumlausri seðlaprentun.

Dæmi frá Bandaríkjunum: 

 "In the past 30 days alone, the Treasury Department increased the supply of dollars by 16%. These massive cash infusions are going to ramp up both inflation and the recession. Now is the time for investors to be cautious."

ENDALOK ALÞJÓÐA KAPÍTALISMANS, HNATTVÆÐINGARINAR.

 Þegar kreppan er skollin á alla heimsbygðina fara menn kannski að átta sig á því að það er kapitalismin sem er gjaldþrota, hann þoldi ekki alþjóðavæðinguna þar sem frjálst fjárstreymi fer eftirlitslaust á milli landa með nútíma tölfutækni og öll landamæri fjármagns eru úr söguni.Við höfum skapað alþjóðaverslun þar sem vörur eru framleiddar á láglaunasvæðum og fluttar um hálfan hnöttin til neytenda og með öllum þeim fjölda gjaldmiðla sem er í gangi hefur skapast ójafnvægi þar sem sumar þjóðir hafa getað prentað endalausa peninga til að greiða fyrir vörur og nú er komið að skuldadögum, að menn missa trú áákveðna gjaldmiðla og heimsverslunin fer að byggjast meira á heimamarkaði.Aðal viðskiptamiðstöð heimsviðskipta mun færast til þeirra sem eiga sterkustu sjóðina og ný skipan mun komast á alþjóðagjaldeyrismál. 

Fasteignakreppa, einföld lausn

Fasteignakreppan.

Fasteignakreppan íslenska er heimatilbúin að því leyti að fólk sem vill kaupa fasteignir eða byggja hús fær ekki fyrirgreiðslu til þess frá fjármálastofnunum.Fasteignamarkaðurinn er keðja þar sem er ákveðið safn af eignum ganga kaupum og sölum og ef einn eða fleiri hlekkir bregðast stöðvast keðjan og frost ríkir á fasteignamarkaðnum.Ríki og sveitarfélög hafa haldið að sér höndum í þessu ástandi sem nú varir og ekki gripið til neinna aðgerða en kanski má bæta ástandið á einfaldan hátt.

Það eru nokkur atriði sem ríkið getur gert til að bæta ástandið:

1. Að gera úrbætur á leigumarkaði. 

Á undanförnum árum hefur verið rætt um að búa hér til leigumarkað hliðstæðan því sem er í nágrannalöndunum, en eins og allir vita er leigumarmaðurinn hér afar lélegur.Nú er tækifærið til að byggja upp slíkan markað og þar sem ríkið er skuldlaust er það kjörið tækifæri fyrir það að byggja upp slíkan markað með því að kaupa íbúðir og leigja þær á sangjörnum kjörum. Gefa mætti út sérstök skuldabréf í þessu skyni og selja á markaði og kaupa svo íbúðir til útleigu.  Fasteignamarkaðurinn mundi þá hressast og það fólk sem getur ekki keypt íbúð gæti leigt á sanngjörnum kjörum.

2. Að kaupa húsnæðislán bankana. 

Bankarnir hafa bundið mikið fé í fasteignalánum á undanförnum árum til almennings og ef ríkið í gegnum húsnæðisstofnun myndi bjóða bönkunum að kaupa þessi lán myndi lausafjárstaða þeirra batna og þeir gætu farið að bjóða almenningi skammtímalán á betri kjörum. Áhættan er ekkert meiri en sú áhætta sem íbúðalánasjóður hefur verið að taka í lánastarfsemi þar sem þessi lán eru með veði í fasteignum landsmanna.

3. Afnema strax stimpilgjöld.

Stimpilgjöld á strax að afnema af öllum lánum þar sem þarna er um verulega óréttlátan skatt að ræða. Þessi skattur veldur því að samkeppni á lánamarkaði verður minni þar sem dýrara er að skipta um lán á fasteignum og fólk verður nánast að vera með þau lán sem þegar eru komin á fasteign. 

Fasteignamarkaðurinn er ákaflega dýrmæt atvinnugrein fyrir þá aðila sem þar starfa svo og alla landsmenn sem eru með aleiguna bundna í íbúðum.  Það er því alvarleg staða að þessi markaður verði fyrir áföllum og gera verður allt til að forða því. Ríkið verður strax að fara í neyðaraðgerðir annars má reikna með að ástandið í byggingaiðnaði og greinum sem honum tengjast svo og hjá almenningi sem er í fasteignaviðskiptum eigi eftir að verða mjög alvarlegt.

 

Viðbót við frétt

Þetta eru slæmar fréttir fyrir þá sem verða fyrir þessu en ég hef rætt þetta við lögfræðing á Spáni sem telur að þetta mál sé ekki svona einfalt og það eigi eftir að verða málarekstur um þetta næstu árin áður en nokkuð verður gert.Þessi lög ganga út á að varveita strandlengjuna 100 metra frá háflóði í þeim tilgangi að almenningur eigi aðgang að ströndinni í framtíðinni og er þetta byggt á lögum frá 1988 sem ekki hefur verið farið eftir í öllum tilvikum.Það eru ekki mörg dæmi um þetta á Costa Blanca ströndinni þar sem flestir Íslendingar eiga hús. 

 

Eignaupptaka húsa á Spáni