Opið bréf til Alþingismanna 19. júní

Ágæti þingmaður. Dómur Hæstaréttar Íslands varðandi gengistryggð lán getur orðið upphaf að mestu umbreytingum í íslensku þjóðfélagi frá upphafi hrunsins.Stíflan sem er skjaldborg um banka og fjármálafyrirtæki er að bresta og flóðið mun skola í burtu feyskum stoðum hins gamla Íslands.Það er áfellisdómur fyrir Alþingi að sitja með hendur í skauti þegar þjóðinni var að blæða út og hægt var að grípa til viðeigandi aðgerða en nú er það kanski of seint og lög landsins munu þá verða skjaldborg heimilanna en ekki þið þjóðkjörnir fulltrúar okkar sem áttuð að standa vaktinaog passa þegna þessa lands, heimili og fjölskyldur en í stað þess tókuð þið ykkur stöðu með fjármálaöflunum sem eru samsafn auragráðugra einstaklinga og fyrirtækja, erlendra banka og vogunarsjóða. Skjaldborgin um auðmagnið hefur verið vandlega varin af ykkur og má þar nefna að Seðlabanki Íslands veitti Kaupþing lán upp á 500 miljónir evra þann 6. október 2008 en það gera 78 milljarðar króna og 29. september 2008 lagði Seðlabankinn 600 milljónir evra sem eru 93 milljarðar til aðbjarga Glitni og voru þó engin lög sem skuldbundu bankann til þessara aðgerða og er þetta aðeins toppurinn af ísjaka björgunaraðgerða til handa fjármálaöflum þessa lands.Þegar svo bankarnir fóru á hausin var því lýst yfir af ríkisstjórninni að Íslenska ríkið ábyrgðist allar innistæður í bönkum en lögin segja að ábyrgðin nái aðeins til 20.800 evra á hvern bankareikning en það eru um 3.2 milljónir króna.Þarna var búið að afhenda innistæðueigendum gríðarlega fjármuni og ekki bara einstaklingum heldur fyrirtækjum, lífeyrissjóðum og fleirum sem hefðu kannski getað þolað betur hrunið en almenningur í landinu.Þetta fé sem var þarna greitt út án þess að það væri lagaskylda mun nú lenda á skattgreiðendum komandi kynslóða þessa lands að borga til baka næstu áratugi. Skjaldborg heimilana var aldrei reist heldur frestað vandanum í þeirri von að hann gufaði upp einn góðan veðurdag en því miður hefur hann bara aukist dag frá degi og hefði stefnt í nýtt hrun á þessu ári þó menn loki sig inni í fílabeinsturnum og neiti að horfast í augu við vandann.Nú eru þeir sem tóku bílalán í erlendri mynt að fá lausn sem mun sennilega kosta lánastofnanir samtals 30 – 40 milljarða og þykir mörgum það erfitt en þess má geta að einn einstaklingur sem átti meirihluta í Landsbankanum var með persónulegt gjaldþrot upp á 96 milljarða en þaðþykir samt of erfitt að afskrifa úr lánabókum 30-40 milljarða vegna 44.000 íslendinga.Húsnæðislán sem eru gengistryggð munu væntanlega fá sömu afgreiðslu þó menn spyrni við fótum en það verður að virða dóm Hæstaréttar. Þá kemur kannski að kjarna málsins í þessum pistli að það verður að ganga í það verk að smíða skjaldborg heimilana strax ef ekki á að sjóða upp úr á nýjan leik og búsáhaldabyltingin getur orðið töluvert verri nú en síðast.Með því að Hæstiréttur hefur lagað stöðu þeirra sem voru með gengistryggð lán mun jafnvægið í þjóðfélaginu raskast og þeir sem enn hanga í snörunni með vísitölubundin lán munu verða æfir og heimta réttlæti og það er jú sama réttlæti og innistæðueigendur fengu að reyna þegar bankarnir féllu og þeir höfðu í raun tapað öllu umfram 20.800 evrur á hvern reikning en ríkisvaldið taldi sanngjarnt að þeir töpuðu engu.Nú virðast lífeyrissjóðir þessa lands ekki hrifnir af því að koma til hjálpa þrátt fyrir að hafa fengið greitt upp í topp þær innistæður sem þeir áttu í bönkum í hruninu en það er ljóst að það verður að skapa þjóðarsátt um þessi mál og setja flatan niðurskurð á vísitölubundin lán.Þegar hrunið varð átti vitaskuld að taka lánavísitöluna úr sambandi tímabundið og var það svo sem ekkert erfiðara né meiri lögleysa en að taka sameiginlegan sjóð okkar allra til að tryggja innlán í landinu.Mannana lög eru ekki guðleg og vísitalan er ein sú heimskulegasta uppfynding sem þessi þjóð hefur orðið vitni að eða er eitthvað réttlæti í að húsnæðislánin okkar  hækki við að eldsneyti verði dýrara vegna hækkunar á heimsmarkaði á olíu eða skattahækkanir ykkar vegna hrunsins verði til þess að hækka lánin okkar.Þarna er á ferðini eldfim keðjuverkun sem á sér fáar hliðstæður í veröldini og nú mun verkalýðshreyfingin heimta launahækkanir vegna þess að vísitalan hefur skert kjörin hjá almenningi í landinu og hjól verðbólgunar mun herða á sér til bölvunar fyrir alla. Nú er síðasta útkall til að skapa þjóðarsátt um skuldavanda heimilana annars mun þetta þjóðfélag loga í átökum. Ekki gera ekki neitt er slagorð sem á vel við og vona ég að þú bregðist ekki þjóð þinni á ögurstund. Með bestu kveðju.Gunnar Einarsson

Ps. Ég geri mér grein fyrir að Alþingismenn eru ekki allir steyptir í sama mótið og margir hafa barist fyrir leiðréttingu á skuldum heimilina og hafi þeir þökk fyrir. Bréfið mitt var samið sem hópbréf en á vitaskuld ekki við um þá Alþingismenn sem hafa staðið vaktina fyrir heimilin í landinu.

 

Að sleppa frá skuldum

Það eru sérstök forréttindi að sleppa frá skuldum og það eru aðeins fáir útvaldir sem komast upp með það.  Skrítið að lesa frá þessum ágæta manni að stjórnvöld í samvinnu við fjármalastofnanir eigi fara að túlka dóm hæstaréttar varðandi gengistryggð lán, hvað með lánþegan á hann ekkert að vera með í plottinu frekar en vanalega. Þessar skoðanir eru vanvirða við hæstarétt Íslands, lög og reglur þessa samfélags og almenna siðfræði.

GE


mbl.is Sleppa ekki frá skuldunum
Tilkynna um óviðeigandi tengingu við frétt

Lög, ólög og réttlæti

Það er broslegt að lesa þennan pistil frá manni sem er lektor við HÍ.

Það er ekki hægt að ákveða einhverja nýja aðferð til að breyta láni ef lánið hefur verið dæmt af Hæstarétti Íslands ólöglegt, lánið getur þá ekki bara fengið verðtryggingu eða vexti miðað við óverðtryggð lán Seðlabanka Íslands eða eitthvað annað. 

Það er augljóst að lánið er þá í íslenskum krónum og með þá vexti sem stendur í skuldabréfi hvort sem það er réttlátt eða óréttlátt eða var eitthvað hlustað á fólk sem kvartaði undan stökkbreytingu lánana þegar gengið féll ?

Næsta mál er að ráðast á verðtryggðu lánin og færa niður höfuðstól, er eitthvað réttlæti fólgið í því að hækka húsnæðismálalán ef heimsmarkaðsverð á olíu hækkar. Verðtrygging er ekki guðleg forsjá heldur mannana verk sem hægt er að breyta.

GE.


mbl.is Lán mögulega áfram verðtryggð
Tilkynna um óviðeigandi tengingu við frétt

Dragnótaveiðar skemmdarverk

Það er löngu komin tími til að banna dragnótaveiðar í Skagafirði þar sem veiðarfærið skefur upp gróður á hafsbotni og skemmir lífríkið og veldur óbætanlegu tjóni.

Þessar veiðar eru ekki liður í þeirri sjálfbærni fiskveiða sem stefna skal að í þessu landi.

GE.


mbl.is Segir viðmót ráðherra óþolandi
Tilkynna um óviðeigandi tengingu við frétt

Hvað er í gangi ?

Íslendingar og Kínverjar gera gjaldeyrisskiptasamning upp á 66 miljarða og á sama tíma er verið að bjóða þeim aðgang að íslensku stór verkefni, Búðarhálsvirkjun sem eru  framkvæmdir upp á 36 miljarða og Kínverskur banki er tilbúin að lána fyrir framkvæmdum.

Á sama tíma eru flest öll verktakafyrirtæki á Íslandi verkefnalaus eða gjaldþrota og fjöldaatvinnuleysi. Er ekki tími til komin að við fáum fólk með íslenskt jarðsamband til að stjórna þessari þjóð með hagsmuni Íslendinga að leiðarljósi ?

GE.


mbl.is Hafa áhuga á að bjóða í framkvæmdir við Búðahálsvirkjun
Tilkynna um óviðeigandi tengingu við frétt

Hneyskli

Hvað er að þessari þjóð.  Eina tækifærið sem við Íslendingar eigum til að ná okkur upp úr kreppu og eymd sem henni fylgir er orkan okkar.

Nú á að gefa orkuna til annar þjóða sem eru hinu megin á hnettinum og hálf þjóðin á að flytja úr landi vegna þess að við erum ekki að nýta þau tækifæri sem við eigum í landinu.

Það væri fróðlegt fyrir ráðamenn þessa lands að fara til Noregs og sjá hvernig þeir reka sín orkumál með því að selja umfram orku úr landi með sæstrengjum og má þar nefna sæstreng til Hollands sem er 580 kílómetra langur og orkan er sennilega 20 sinnum dýrari en verð á orku til álvera á þessu landi.

Það er tæknilega hægt og fjárhagslega hagkvæmt að leggja sæstreng til Skotlands sem er 950 kílómetrar og selja alla þá orku sem við getum framleitt til Evópu, eftir hverju eru menn að bíða, á að gera Ísland að skítugasta og mengaðasta landi heims ?, eru ekki vinstri grænir að stjórna þessu landi?

Gunnar Einarsson


mbl.is Stærsti álframleiðandi Kína spáir í Þeistareyki
Tilkynna um óviðeigandi tengingu við frétt

Húsnæðislán lausn

Tugþúsundir fólks eru að missa aleigu sína vegna vertryggingar húsnæðislána og það á ekkert að gera nema fresta hluta af mánaðarlegum afborgunum sem er auðvitað engin lausn á vandanum.  Húsnæðislán eru í upphafi veitt með ákveðnu skuldabréfi með föstum lánaskylirðum sem virðist vera erfitt að breyta og er engin vilji til þess af hálfu ríkisins.

Lausnin er að gefa út nýjan flokk húsnæðislána sem gætu verið verðtryggð með launavísitölu ef menn vilja endilega vera með verðtryggingu og gefa öllum húseigendum kost á að skipta sínum húsnæðislánum yfir í þennan nýja flokk.

Það tapa allir á því að keyra áfram með núverandi kerfi og setja heimilin í landinu í gjaldþrot. Ef húsnæðisstofnun, bankar og aðrar lánastofnanir ætla að leysa til sín stóran hlut af fasteignum landsmanna er ekki hægt að sjá að nokkur hagnist á því vegna þess að húsnæðismarkaðurinn er botnfrosin og ef á að selja íbúðirnar aftur eru líklegustu kaupendur fyrri eigendur sem þá fá íbúðirnar aftur á brunaútsölu, er það betri lausn ?, svari hver fyrir sig.


Þjóðarsjálfsmorð

Ef það er skilyrði fyrir láni frá Alþjóða gjaldeyrissjóðnum að taka á okkur syndir bankana jafngildir það þjóðargjaldþroti, það er betra að hætta við og leysa málin á annan hátt.

Þegar Danir voru eitt sinn í miklum vanda boðaði ríkisstjórnin svokallaðan kartöflukúr sem þýddi að þjóðin sparaði í nokkur ár og náði sér út úr kreppuni.

Það er algjört brjálæði að hækka stýrivexti á Íslandi á sama tíma og aðrar þjóðir sem eru í miklu minni vanda en við eru að lækka stýrivexti til að fá hjól atvinnulífsins til að snúast, er virkilega hugmyndin að setja allt atvinnulíf í landinu á hausin og gera heimilin gjaldþrota.

Það þarf að lækka stýrivexti í 3%, fella niður verðtryggingu og setja gjaldeyrishöft næstu 2 árin meðan við erum að sigla í gegnum erfiðleikana, það gengur ekki að setja krónuna á flot og gera hana að skotspæni alþjóðlegra braskara sem svífast einskis til að græða peninga.

Við verðum að fá lán hjá þeim sem vilja lána okkur án skilyrða og finna sjálfir lausnir á þeim vandamálum sem við er að glíma.

Við verðum strax að sækja um aðild að ESB því það er ekki fólki bjóðandi að búa hér lengur við Íslensku krónuna og þá mannlegu harmleiki sem hún hefur valdið á síðustu mánuðum.

Það verður að boða strax til kosninga og láta þjóðina velja nýja fulltrúa til að koma landinu á réttan kjöl. 


Afnemum Verðtryggingu strax

Almenningur á Íslandi hefur orðið fyrir þungu höggi undanfarnar vikur.
Sparifé landsmanna er að stórum hluta horfið af innlánsreikningum.
Hlutafé í bönkum hefur tapast og viðskipti með hlutabréf eru í uppnámi.
Gengi krónunar hefur fallið mikið og aðgengi að gjaldeyri er takmarkaður.
Markaður með fasteignir, bíla og dýrar eignir er frosin þannig að fólk
getur ekki selt eignir til að greiða skuldir.
Orðstýr þjóðarinnar út á við hefur beðið hnekki.


Nú hafa margir áhyggjur út af atvinnumissi og að geta ekki staðið við skuldbindingar sínar og er lykilatriði að hætta með verðtryggingu lána þar sem það er algjörlega siðlaust að hækka lán eftir því sem vörur hækka við þessar aðstæður.
það verður að setja strax neyðarlög til að stöðva verðtryggingu lána annars
mun fólk missa allt eigið fé í íbúðum sínum á skömmum tíma.

Dæmi: fjölskylda á 30% í húsinu sínu og vísitalan hækkar á einu ári um 20%
og verðlækkun á fasteignini er 10% og þar með er eigið fé í húsinu tapað.
Hver hefur þá eignast húsið og hvaða hag hafa eigendur skulda af því að eignast þúsundir verðlausra eigna, hvað um venjulegar fjölskyldur sem gerðar verða gjaldþrota og húsnæðislausar,er ekki komið nóg af taumlausri græðgi.

Krónan er ónítur gjaldmiðill og taka verður upp annan gjaldmiðil t.d. evru strax. Þangað til það skeður verður að afnema verðtryggingu.


NOSTRADAMUS OG KREPPAN

Þeir sem hafa áhuga á spádómum ættu að skoða rit Nostradamusar 3.hluti sýnir úr framtíðinni sem nálgast má á slóðinni www.snerpa.is/net/nostri/nostri.htm
Þar segir meðal annars.

Skapadægur neyslusamfélagsins. Verðbólga og gerræði.

Ráðamenn og stjórnendur framleiða
eftirlíkingar og fræðimenn gera
áætlanir sem eru gjörsneyddar ráðvísi.
Gnægtahornið verður fyrir barðinu
á þeim og ofbeldi kemur í stað friðar.

Nauðungaruppboð og vaxandi vantrú á getu stjórnmálamanna

Þau munu kvarta undan eignamissi
og barma sér yfir því að hafa kosið
[ráðamenn] sem gera mistök æ ofan í æ.
Fáir vilja fylgja þeim lengur að málum
né láta síbylju þeirra draga sig á tálar.

Efnahagskreppa. Hrun verðbréfamarkaðarins

Táknmynd gulls og silfurs verður fórnarlamb
verðbólgu. Þegar velmegun líður
undir lok verður henni kastað í eldinn
í bræði, uppurinni og truflaðri vegna
ríkisskulda. Verðbréfin verða að engu.

Samsöfnun auðs á fárra hendur og vaxandi þörf fyrir lánsfé

Mikil lánsviðskipti og gnótt gulls og silfurs
afvegaleiða þá sem þyrstir í upphefð.
Misgjörðir hinna ágjörnu koma í ljós
og verða þeim til stórfelldrar skammar.

Almenningur jafnar reikninginn við vestrænar bankastofnanir

Musterin, þar sem Vesturlandabúar geyma
fjársjóði sína á leyndum stöðum, verða brotin
upp af hungruðum [lýðnum] sem endurheimtir
auðæfin og vinnur ótrúleg spellvirki.
Meðal þeirra verða hræðilegar óspektir.

Hljómar þetta ekki kunnuglega í dag ?


« Fyrri síða | Næsta síða »

Um bloggið

GunnarE

Höfundur

Gunnar S.Einarsson
Gunnar S.Einarsson
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband