Þjóðarsjálfsmorð

Ef það er skilyrði fyrir láni frá Alþjóða gjaldeyrissjóðnum að taka á okkur syndir bankana jafngildir það þjóðargjaldþroti, það er betra að hætta við og leysa málin á annan hátt.

Þegar Danir voru eitt sinn í miklum vanda boðaði ríkisstjórnin svokallaðan kartöflukúr sem þýddi að þjóðin sparaði í nokkur ár og náði sér út úr kreppuni.

Það er algjört brjálæði að hækka stýrivexti á Íslandi á sama tíma og aðrar þjóðir sem eru í miklu minni vanda en við eru að lækka stýrivexti til að fá hjól atvinnulífsins til að snúast, er virkilega hugmyndin að setja allt atvinnulíf í landinu á hausin og gera heimilin gjaldþrota.

Það þarf að lækka stýrivexti í 3%, fella niður verðtryggingu og setja gjaldeyrishöft næstu 2 árin meðan við erum að sigla í gegnum erfiðleikana, það gengur ekki að setja krónuna á flot og gera hana að skotspæni alþjóðlegra braskara sem svífast einskis til að græða peninga.

Við verðum að fá lán hjá þeim sem vilja lána okkur án skilyrða og finna sjálfir lausnir á þeim vandamálum sem við er að glíma.

Við verðum strax að sækja um aðild að ESB því það er ekki fólki bjóðandi að búa hér lengur við Íslensku krónuna og þá mannlegu harmleiki sem hún hefur valdið á síðustu mánuðum.

Það verður að boða strax til kosninga og láta þjóðina velja nýja fulltrúa til að koma landinu á réttan kjöl. 

Athugasemdir

[Ásgrímur Hartmannsson, 7.11.2008 kl. 00:06]

Spurt er "er virkilega hugmyndin að setja allt atvinnulíf í landinu á hausin og gera heimilin gjaldþrota."

Svarið er líklega: Já.  Það virðist vera planið frá upphafi. 

[Ásgrímur Hartmannsson, 7.11.2008 kl. 00:09]

Og með ESB: ástæða þess að minna finnst fyrir kreppunni í ESB er að þar hefur verið landlægt 8-12% atvinnuleysi, sem er rosa þægilegt fyrir atvinnurekendur... en ekki marga aðra.

Staðan: við erum með illmenni og vitleysingja við völd í óþekktum hlutföllum, og fólk heimtar að við förum yfir í land eylífrar kreppu.  Vitað mál er að sama hver er kosinn, það verður einhver sauður sem gerir vandann verri eða í besta falli gerir ekkert þó hann kannski breytir hlutföllum eymdar og hamingju.  Heildartilfinningin: umheimurinn er í augnablikinu bara skör skárri.  Spurning hvort það bjargar einhverju að fara annað? 

[Gestur H (IP-tala skráð) 7.11.2008 kl. 00:26]

Auðvitað hefði verið mikill kostur að vera með stekan gjaldmiðil. Hann hefði þurft að koma til áður en bankarnir urðu margfalt stærri en ríkið. Núna er hin alþjóðlega fjármálastarfsemi ekki lengur til hjá íslensku bönkunum og lítið að græða á að henda krónunni strax.

Það er ekki íslenska krónan sem hefur orsakað "mannlega harmleiki" eins og þú orðar það. Þeir eru mannanna verk. Græðgi og grandvaraleysi, ekki gjaldmiðillinn. Við sitjum uppi með krónuna nokkur næstu ár og það er ekkert hættulegt. Þetta er spurning um að menn byggi upp af skynsemi og undirbúi næsta skref af fyrirhyggju. Svo er hægt að huga að sterkari gjaldmiðli í framhaldinu, ég myndi giska á 3-5 ár í undirbúning og svo verður evran komin eftir 7 ár.